Genero ikuspegiari buruzko formakuntza jasotzen ari dira Goizuetako Udal hautetsiak.

6 orduko formakuntza izango da, bi astetan banatuta.

Udal hautetsiak Emagineko ordezkariaren azalpenak entzuten

Atzo, maiatzak 3, Goizuetako udal hautetsiei zuzenduriko trebakuntzaren  lehenengo saioa izan zuten, politika feminista garatu ahal izateko oinarrizko trebakuntza. Emagin elkartearekin 3 orduko saioa izan zuten eta sistema patriarkalaz eta feminismoaz aritu ziren.

Datorren astelehenean bigarren saioa izango dute, 3 ordukoa berriro ere, eta bertan genero politiken estrategiez eta zeharlerrotasunaz arituko dira, udaleko eremu desberdinetan politika feministak nola garatu daitezkeen hausnartuaz.