2021/09/29

Goizuetako Udalak espetxe politikari dagokion erakunde adierazpena onartu du.

Aldi berean, gaur hasiko den "Ibilian ibilian" dinamikan parte hartzera gonbidatu ditu goizuetarrak

Pasa den irailaren 17an ospatutako aparteko batzarrean Goizuetako udablbatzak ahobatez onartu duela jarraian azaltzen den adierazpena:

 

PRESOEN URRUNTZEARI ETA SALBUESPENEZKO ESPETXE POLITIKARI DAGOKION ERAKUNDE ADIERAZPENA

Garai berri baten aurrean aurkitzen gara, espetxe politikan aldaketak ematen hasiak dira urruntze politikarekin amaitze bidean, baita graduen progresioari dagokionean ere. Madrildik hegoalderako espetxeetan jada ez da euskal presorik geratzen, baina oraindik %33 besterik ez dago EAE eta Nafarroako espetxeetan. Guzti horietatik, egun 29 euskal preso daude erroldatuak Nafarroan eta horietatik 4 baino ez daude Iruñeko espetxean. Guztira, 28 bigarren graduan aurkitzen dira eta bakarra baino ez dago hirugarren graduan. Guztiek zailtasunak eta oztopoak dituzte legeak dion bezala haien etxerako bidea garatu ahal izateko (gradu progresioa, baimenak, hirugarren graduak, baldintzapeko askatasuna, …).

 

Horren guztiaren ondorioz Goizuetako udalak:

 

  1. Udal honek adierazten du ez dagoela ados urruntze espetxepolitikarekin. Alde horretatik, ETAren indarkeriaren behin betiko etenak irekitako garai berriaren barruan, uste du espetxe-politika berri bat behar dela, hain zuzen ere presoak zigorrak gizarte- eta familia-erroak dituen lekutik urrun betetzea saihesten duen politika bat. Hortaz, Nafarroan erroldatuta dauden 29 euskal presoak Iruñeko espetxera lekualdatzeko eskatzen dugu.
  2. Honekin batera, legeak jasotzen duen moduan, graduen progresiorako aukera ahalbidetzea eskatzen du Udalak, euskal presoek dagokien etxerako ibilbidea garatu dezaten.
  3. Udalbatza honek bat egiten du Sare Herritarrak irailaren 29tik urriaren 2ra egingo den Ibilian ibilian, etxerako bidean ekimenarekin.

4. Udalbatza honek bertan parte hartzera gonbidatzen ditu herritarrak, irailaren 30ean, 0:00etan Urroz eta Beintza arteko 5 km-ko ibilbidea eginez.