Goizuetako Udalak hainbat lan egiteko baliatu du Nafarroako Gobernuak Covid-19aren ondoren ekonomia sustatzeko udalei emandako dirulaguntza
Guztira 51.530 euro inbertitu dira herriko eraikin desberdinak egokitu eta ur hornidura sarea hobetzeko.
Nafarroa osorako 25 milioi euro bideratu zituen COVID-19tik eratorritako beharrei aurre egiteko, hortik 15,5 milioi udalerrien suspertze ekonomiko eta sozialera bideratu ziren, eta 9,5 milioi, berriz, jasaten ari diren gastu handiagoak eta diru-sarrera txikiagoak arintzera, batez ere, gizarte, hezkuntza, kirol eta garraio zerbitzuetan.
Goizuetari 40.000 € egokitu zitzaizkion, eta Udalari gutxienez %15eko finantzaketa egitea eskatu zitzaion. Goizuetako udalak %30eko finantzaketa egin du gastu guztiak kubritzeko, eta guztira 51.530 euroko inbertsioa egin da herrian.
Dirulaguntza hau Tifanitxo eraikineko ate berriak jartzeko erabili da (4.798€), udaletxeko gasoliozko galdara zaharra aldatu eta, energetikoki efizienteagoa den galdara berri bat jarri da udal eraikina berotzeko. (6.296€). Goxalin berogailua jarri da (4.503€), uraren presioa erregulatzeko instalazioa egin da (15.268€), ur-hornidura sarearen ekoauditoria egin da (4.800€) eta azkenik, eskolako argiak ere aldatu dia (15.861€)
| EGINDAKO LANA | GASTUA |
| Goxaliko berogailua | 4047,45 € |
| Udaletxeko kaldera | 6296,84 € |
| Uraren presioa erregulatzeko instalazioa | 15268,94 € |
| Ur-hornidura sarearen ekoauditoria | 4800,40 € |
| Tifanitxoko ateak | 4798,38 € |
| Eskolako argiteria | 15861,89 € |
| GUZTIRA | 51.530,07 € |
Dirulaguntza honi esker, udal eraikinak egokitu eta ur hornidura sarea hobetzea ahalbidetu da.
